Luándust orroom lii pyerrin, mut puáhtá meid vaibâdiđ. Tääl korona äigin luándust jotteem lii jyehi sajeest lasanâm. Säämist maaŋgâs lii jo luándulávt ennuv olgon. Aanaarjäävri Konišnjaargâ riddoost Johanna Alatorvinen áásá päihist, kost luándu kávnoo tállán ko lävkkee uuvsâst olgos. Tääl ko sun-uv lii pääihist káiduspargoost, te puáhtá vyelgiđ tállán olgos ko pargo nohá.